علا الشافعي لـ كلم ربنا: في لحظاتي الصعبة بحس بربنا باعتلي إيد بتطبطب عليا

القاهرة - سامية سيد - قالت الكاتبة الصحفية علا الشافعي، رئيس تحرير الخليج 365  خلال استضافتها ببرنامج "كلم ربنا.. مع أحمد الخطيب" على الراديو 90.90، "في كل الأزمات اللى مرت بحياتي، بمشي في الشوارع وبكلم ربنا، دايما أبص للسما وهي مفتوحة علشان أنا متربية في الفلاحين ومتعودة على البراح.. كنت أشكى لربنا وأكلمه، وفي اللحظات دي كنت بحس بشكل مادي ومعنوي بإيد بتطبطب عليا، علشان كدا لما حد يقول لى ربنا هيطبطب عليكي، بكون فاهمة المعني حرفيا".

وأوضحت علا الشافعي خلال البرنامج أنها شديدة الحب لآل البيت وأولياء الله الصالحين، وقالت: "لما بكلم ربنا في أي أزمة كنت حريصة على أني أزور أحبابه، سيدنا الحسين والسيدة زينب والسيدة نفيسة، أصلى ركعتين بحب وأدعي من قلبي في مقامات الصالحين وأبكي بكاء شديدًا بشكل لا إرادي.. ودي عادتي لما أدخل أي مقام لآل البيت أو الصالحين إحساسي بحالة المقام وبقرب صاحبه من ربنا كان بيأثر فيا جدًا".